Do
1 ao 10 de Xullo é o prazo para a formalización da matrícula nos centros
educativos.
Aconsellamos
a todas as familias que soliciten praza para alumnado con necesidades
específicas de apoio educativo (n.e.a.e.)
Este
tipo de prazas implica un recoñecemento das necesidades derivadas da diabetes,
e non significa que este apoio educativo sexa un problema de aprendizaxe, senón
ter en conta as súas necesidades no seu día a día na escola.
Aínda
non está establecido como vai ser a volta ao cole en setembro, pero este tipo
de prazas é unha ferramenta que está a disposición do alumnado, a súa
definición ven na
páxina de Educación:
Alumnado con
necesidade específica de apoio educativo
Enténdese
por alumnado con necesidade específica de apoio educativo aquel que requira, de
forma temporal ou permanente, apoios ou provisións educativas diferentes ás
ordinarias por presentar necesidades educativas especiais, por dificultades
específicas de aprendizaxe, por altas capacidades intelectuais, por
incorporarse tardiamente ao sistema educativo ou por condicións persoais ou de
historia escolar.
As
condicións persoais que implican ter diabetes fai que teñan dereito a este tipo
de praza.
Tamén
recordade que para todos o alumnado
con diabetes, aínda que non vos toque facer a matrícula este ano, tedes que ter
en marcha:
· 👉 Alta no programa de ALERTA ESCOLAR.
· 👉 Addenda de diabete / Protocolo de Atención a crónicos e urxencias sanitarias.
· 👉 Plan individualizado de atención
Lembrade que o
glucagón debe estar nunha neveira no cole (o cole pode solicitala senón a ten) dispoñible
en todo momento.
Na maioría dos
centros educativos a colaboración é total, e existen pequenas cousas que nos
poden facilitar a vida como adaptar as horas de educación física da aula para que
non coincidan con horas de insulina activa. En setembro pode ser máis difícil
de adaptar, pero se o pedides agora é posible.
A nosa
recomendación e falar cas direccións e o departamento de orientación do centro
o máis axiña posible para plantexar a elaboración do plan individualizado con
tempo e sen agobios.
Se as familias ou
os centros educativos precisades axuda estamos á
vosa disposición.
Ningún comentario:
Publicar un comentario