martes, 17 de marzo de 2020

#euquedonacasa


Son días difíciles para todas as familias, sen excepcións.

Medos e preocupacións por algo que non podemos ver nin tocar, reorganización para intentar evitar o caos, e nas familias que vivimos con diabetes tipo 1, tanto sexa nos nosos fillos e fillas coma nos adultos, toca tamén reaxuste.

Un dos piares do tratamento en diabetes consiste en adaptalo ao noso ritmo de vida, deporte, estudos, traballo,... e todo iso sufreu cambios considerables dende o xoves.

De repente (con sorte) quedamos confinados na casa, con actividades moi diferentes,  e tendo que reaxustar as doses de insulina, intentando establecer novas rutinas, e vixiando os posibles síntomas que indiquen a presencia do virus ou calquera outro problema de saúde.

Outros terán que ir traballar, as veces con turnos máis amplos, que van supoñer máis esforzo e sobre todo moita máis tensión que imos acumulando. E intentando dentro do posible tomar medidas de prevención.

Dende ANEDIA temos que parar as nosas actividades externas, pero coma sempre aquí estaremos se precisades axuda, axuda de moitos tipos: algún problema ou duda ca tecnoloxía, axuda a reaxustar racións, porque pode ser un bo momento para repasar ese cálculo de hidratos que se nos resiste, e para o que nunca temos tempo. 
Podemos intentar agora nun entorno controlado, revisar as pautas e ratios, sen factores externos.
Ou probar algunha receta desas que teñen unha pinta excelente e poucos hidratos, pero que non probamos porque non tiñamos tempo. Ou simplemente se precisades un pouco de apoio, ter outra persoa ca que falar un rato, de hidratos e de medos, de insulinas e de soños, do que queirades,.... así que non dubidedes en poñervos en contacto con nós.

As redes están cheas de recursos compartidos nestes días, de contacontos, de visitas virtuais a museos, propostas de xogos e actividades, e de moitos libros.

Nos tamén queremos deixar a nosa colaboración, como un pequeno agasallo, o noso primeiro libro dos Bolechas, Os Bolechas saben o que é a diabetes.

Libro que podedes conseguir en papel a través de ANEDIA, pero que vos deixmos aquí en formato pdf para poder compartilo con todos neste días.



Por ti, por todos   #euquedonacasa

luns, 9 de marzo de 2020

Dous galegos en Cáceres. Vivir con diabete.

Nesta xornada, os compañeiros de Fadex, a federación de diabetes de Extremadura, acolléronnos no seu grupo pra facer o curso de formación de voluntarios 2020.


Resolvemos un montón de dudas!

Que tecnoloxía nos podemos atopar nun campamento de nenos con diabetes? De que maneira podemos resolver un conflito? Que facemos en caso de picadura dun insecto? Ou dunha magulladura?

Despois dunha longa viaxe en tren.
Pasamos o fin de semana asistindo ao local da Cruz Roja de Cáceres.

O primeiro día, o sábado, coñecimos o director e coordinadora e asistimos a un par de clases, entre elas: alimentación equilibrada e contabilización de racións de HC, as tecnoloxías que encontramos, preparación, organización de voluntariado, resolución de conflictos... 
Con varias paradas para repoñer forzas  cos nosos novos compañeiros.

Compartimos moitos momentos e ratos libres cos compañeiros cacereños.

O domingo, último día, as charlas foron menos, pero igual de interesantes: atención as complicacións, primeiros auxilios na natureza cun equipo da Cruz Roja.

O noso compañeiro Cristian aprendeu como funciona o glucagón e moitas cousas máis.




Uns docentes marabillosos, compañeiros fantásticos.
A mistura  perfecta para unha fin de semana chea de formación, novas amizades, moitas emocións e moitas ganas de facer cousas novas aquí en Galicia.


Xa pola tarde fixéronnos unha ruta turística pola ciudade estremeña da man de dúas personas extraordinarias.
Aquí tedes varias fotos que sacamos.








Gracias  a FADEX, a ANEDIA, gracias, gracias e mil gracias por todo!!!